7amlet tabarro3 bicchleyek Sponsorisé par Zapatas

فـي الدنيا هاذي، نحبّو وإلاّ نكرهو، الواحد منـّا محكوم عليه باش يعيش مع بعض الشلايك، والشلايك حاشاكم وحاشا قدركم يا قرّائي الكرام أنواع ورهوط وأزناس ينجـّم الواحد يخدم عليها أطروحة دكتوراه، على خاطر الأرقام الحالية تورّي اللّي الشلايك تنجم تولّي قطاع المستقبل وتولّي أهم من صناعة الصوارخ والكمبيوتر. تقول إنتي كيفاش؟ تي ياخويا لواش نبعدو لبعيد؟ تي هاو هوني في الدورة، 35 معمل متاع شلايك حلـّو فرد نهار وفرد نهج، والكلّ يخدمو الله مصلّي عالنبي... ويقولولي عندنا مشكل متاع بطالة... الله يهدي الشبيبة وبرّة

كيف تجي تشوف نحنا عندنا إمتيازات كبيرة في ميدان الشلايك بالمقارنة بالبلدان الأخرى: عندنا الشلايك بوصبع، عندنا الشلايك البلاستيك، عندنا الشلايك البيوديقرادابل، عندنا القباقب وجوه اللّوح، عندنا الشلايك اللي تخرج من المعامل وعندنا اللّي تخرج من كروش أمّاتها حاضرة باش، من غير ما تقلق روحك توصلك السلعة حاضرة باش لباب الدار

وعندنا زادة التشليك، يعني كيف مانحبّوش نلوّثو الطبيعة بالبلاستيك إنّجمو نشدّو واحد يكون بشر لاباس عليه ونشلّكوه حتى هو بيدو يقتنع بأنّو شلاكة. وفي هذا الإطار جات غناية "شلّك شلّك يا مشلّك والفريق بلا مدلـّك" تكريسا لتوجهاتنا الاستراتيجية لدعم القطاعات التشليكية البصرية على أساس المساواة في نسب التشليك بين الجهات والطبقات الإجتماعية في جميع أنحاء المعمورة وقربة ومنزل تميم

وكيما قلتلكم الشلايك أنواع، أما أحسن ما تكسب وأحسن ما تعفس بساقيك في ميدان الشلايك وعلوم الشلاكيّات هو النوع اللّي يبدا ما في بالوش بروحو شلاكة، هاذوكم أكيد راكم قابلتو منهم ياسر، هاك اللّي يبداو ينفخو في رواحهم بالبلّوط وماشي في بالهم جابو الصيد من وذنو، ويبداو عادا يسيبو في المرض متاعهم والعسّول والرّيق والترونيق والفيس والتبهنيس، وتبدا إنتي تقول يا ربّي هالشكل المقلّب آش جابو عندي وآش جابني ليه؟

حاسيلو نصيحتي ليكم في الحالات هاذي هي أنكم وين تشوفو شلاكة مقلوبة ترجّعوها على وجهها، على خاطر ناس بكري علمونا اللّي الشلاكة المقلوبة يركز عليها إبليس النزيس ويبدا عاد يوسوسلها حتى تولّي تشوف في روحها حاجة أخرى وتولّي تتقبـّح وتسمّعك الكلام كان لزم

الحاسل عالم الشلايك عالم عندك فيه ما تتفرّج، ويبقى الحلّ الوحيد في الحالات هاذي هو كيما يقول المثل الشعبي متاعنا: ما دواء الشلاكة الناتـنـة كلن الـعـفـس الـحــار، وأعفس على الشلاكة قبل ما يـسـيـّب عليك الركاكة، ومادام النبي مولاك أشطح وربّي معاك

7asilou klét b3adhha bch chlayek
hédhi chléka méchia whédhi chléka jéya

ti el 7asel, hani méchi nechri chléka jdida ; hakil bou sbo3, ti hana! éch chalakna meli chalkou 3'irna habla

tawwa sidi bin sidek issif jé widdinya so5net .
w kima ta3rfou inness il koll ittawajjouhet il jadida mte3na bech tit7awwel min les pantoufle illi ysa55nou fichté santa

lil Chleyék illi en principe yfarhdouk w ybarrdoulek pig

3la 9albek I love you

.

Ama il we7ed ma yelzmouch ykathrelha 3la 5ater ittachlik barch barcha mouch behi.

Ynajjem ya3mal issokker w Gholdh iddam w il 3sab trassilou il we7ed sif issné wa7él.$

Za3ma chnoua il 7all.
7asb tajribtou il moutwadh3a fil rafss w fil 3afs nansa7kom bil Snadel.

Issandal wa7dou min na7eyet innou yfarchkek w maya3malch irri7a ( kif aghlabiyyet icchleyek).
Ama il we7ed bech ya3mel sandal 3la 9add sob3ou ya rabbi se9ou yitkallef surtout idha bech ytall3ou tatli3 min 3and wizarat il chabeb witha9afa il kourawiyya.

Ama Rouddou belkom w 7ellou 3inikom timchiwchou te5dhou Sandal w tchallkouh 3la 5aterna Hné fi bledna 9addech min Sandal walla chléka.
Wissandal illi walli Chléka maynajjamch yarja3 kif ma Ken .

7assilou nkhallikom win9oulelkom innou il janna ta7t a9dem il ommahet donc ken Ommek maghrouma b'labsen icchleyek twallili jhannem 5ir .

wa allahou A3lam !!!

» fouchika & zapatas
» Enfin Zapatas decouvre pour vous la Porte du Paradis