Nombre de messages : 58 Age : 38 Localisation : Kelibia Date d'inscription : 26/04/2007
Sujet: Bledi Ya Abled Bled Dim 10 Juin - 16:03
أنا بكل صراحة وبكل فخر نعتبر نفسي إنسان وطني برشة ... أنا الحسّ الوطني جاني من قبل حتّـى ما أمّي يجيها الحسّ وتجيبني ... سي ديجا أنا كي نقوم الصباح، وقبل ما نغسل وجهي ونمشي للإنسي نغنّي النشيد الوطني عالأقـل ثلاثة مرّات ... برشة ناس قالولي نقص مالوطنيّة، خمّم شويّة في صحّتك ومستقبلك، موش نورمال الشيء اللّي تعمل فيه، راك ولّيت وطني أكثر حتّى من بطاقة التعريف ... . الله غالب، قلتلهم، ما إنّجّمش ... تونس بالنسبة لي شخصيّا هي البلاد الوحيدة في العالم اللّي إنّجّم نعيش فيها، وهذا ماهوش بوليتيك نعمل فيه باش يحطّوني مسهول ولاّ نتعدّى في التلفزة ... باللّه سمّيولي بلاد ينجّم الواحد يشيخ بالضحك فيها أكثر من بلادنا؟ ... البلدان الأخرى ياسر فيها جدّيّات وناس معقدة، مغرومين يا بالخدمة، يا بالقراية والعلوم، يا بالسّلاح والحروبات، يا بالصلاة والعبادة ... حاسيلو كثرولها بالحكايات هاذي متاع الكبّي والقينية el guinya (موش غينيا متاع إفريقيا) ... أنا خوكم مغروم بالحكايات الفارغة، والريق البارد، والقعدات ، والتكشيخ والضحك على الناس ... في بلادي الغالية إنّجّم نضحك على الصفاقسي ونقلّو يا قرنيطة ... وعلى الساحلي ونقلّو يا شرّاب الزّيت باش ما نقولّوش ... وعلى الجندوبي ونقلّو يا دوبة-جن ... وعلى جمهور الافريقي ونقولّو يا جبورة ... وعلى مواطنينا بالخارج ونقلّهم يا زمقري ... وعلى الجرايد، وعلى التلفزة، وعلى الكبير والصغير واللّي يدبي على الحصير ... ونضحك حتّى على روحي ساعات، ونقول ملاّ بهيم، ملاّ بوهالي، ملاّ دغفة ... بالله آش تحبّوني نمشي نعمل في بلاد أخرى ونسلّم في بلادتي و بلادة بلادي، أبلد بلاد وأحلى بلاد في العالم؟
Bledi Ya Abled Bled
Page 1 sur 1
Permission de ce forum:
Vous ne pouvez pas répondre aux sujets dans ce forum