zapatas Modérateur
Nombre de messages : 58 Age : 38 Localisation : Kelibia Date d'inscription : 26/04/2007
| Sujet: Tunisie Telekommek ???? Mer 15 Aoû - 3:15 | |
| دخلت بالصدفة على موقع وزارة تكنولوجيات الإتصال ياخي طحت بهالمبادرة الرائدة والفريدة من نوعها: سبر آراء باش ياخذو رأي المواطنين حول عملية بيع جزء من أسهم شركة إتصالات تونس للشركة الإماراتية "تيكوم". والله حاجة باهية ويعطيهم الصحّة كيف يحبّو يشاورو العباد، حاجة بصراحة تعمل الكيف. بون هو صحيح من حيث التوقيت إمّـخـّر شويّة إذا كان نيّة الوخيّان هي أنهم باش يشاورو المواطن التونسي وياخذو رأيو في عمليّة الخوصصة هاذي أو في إختيار الشركة اللي تمت البيعة معاها عندها توّة فوق العام، أما هذا ما يمنعش أنّها فكرة سبر الآراء عجبتني، خاصة كيف قريت الإقتراحات الثلاثة اللي ينجم زائر الموقع يختار ما بيناتها في ما يتعلق بالإضافة المنتظرة من شركة تيكوم وهي: "أوّلا- تعزيز الخدمات الجديدة"، "ثانيا- تدعيم تنافسيّة أكبر" و"ثالثا- المساهمة في تخفيض تعريفات الإتصال"، يعني بلغة أخرى تنجّم من خلال التصويت تعطي رأيك في عملية الخوصصة اللي تمّت وتعبّر بكلّ صراحة وشفافيّة يا على موافقتك، يا على... موافقتك، يا حتى على... موافقتك. ظاهرلي سبر آراء من النوع هذا كانو ينجمو يعوّضوه بسبر آراء آخر يكون أكثر وضوح بالنسبة للمواطن العادي بحيث يقولولو: "نحنا بعنا شركة إتصالات تونس للإماراتيين": "أوّلا- كان عجبك"، "ثانيا- بالسيف على والديك"، "ثالثا- وكلب جيفة على كرايمك". ظاهرلي الفرق ماهوش باش يكون كبير ياسر مع سبر الآراء المقتر | |
|