Innas ilkol 7ar9a

Modérateur Nombre de messages : 28 Age : 39 Date d'inscription : 02/05/2007

الفريق الوطني
حالة «حرقان» رياضية جديدة: اخصائي العلاج الطبيعي لمنتخب السلة فضّل البقاء بالبرتغال على العودة الى تونس

تعددت حالات الهرب من الاندية والمنتخبات الوطنية في السنوات الفارطة عندما تحل بأوروبا ذلك ان الراغب في البقاء في القارة العجوز لن يجد أفضل من هذه الطريقة بأن «يفصع» من المجموعة دون ان يكون قد تكبّد مليما واحدا، وهو ما جعل المسؤولين على بعثاتنا الى أوروبا (منتخبات وأندية) يحرصون جدا على إبقاء عيونهم لا تنام على اللاعبين هذا الى جانب رفض تمكينهم من جوازت سفرهم مماكان له التأثير الايجابي على الحد من هذه الظاهرة بشكل لافت للنظر.
لكن يبدو ان عدوى الهروب قد تسربت الى المسؤولين بعد أن تم تضييق الخناق على اللاعبين، فخلال تحوّل المنتخب الوطني لكرة السلة في الأسبوع الفارط الى البرتغال قصد المشاركة في دورة دولية ودية هناك غاب أحد مرافقي المنتخب وهو اخصائي العلاج الطبيعي محمد علي شقرون الذي وجد الفرصة سانحة «للحرقان القانوني» والبقاء في لشبونة عوضا عن القيام بواجبه الذي أوكل اليه بالسهر على راحة لاعبي المنتخب.
عاد اذا المنتخب وبقي شقرون في بلاد الشقراوات يشده السراب الى حياة الرفاه والملايين التي يعتقد أنها مكدسة على قارعة الطرقات في أوروبا وتنتظره كي يقوم بجمعها وشمّها ثم لم شملها.
وزارة الشباب والرياضة والتربية البدنية وجامعة السلة فتحتا تحقيقا للوقوف على ملابسات وحيثيات هرب شقرون ولكننا لا نعتقد انهما سيصلان الى نتيجة ذات بال لأن أصل المشكل في أدمغة بعض الاشخاص من ذوي التفكير المصلحي الضيق.

SOURCE : http://www.alchourouk.com/detailarticle.asp?IDX=92276&IDXRUB=40

اليوم عرفت معلومة جديدة والفضل في هذا يرجع لراجل كبير يعرف تاريخ الدنيا الكلّ، وحبيت نقتسمها معاكم على هالفروم المتواضع فمّاش ما تراولي بالمعروف
اليوم إكتشفت منين جات كلمة الحرقة -من حرق يحرق فهو حارق أو حرّاق- وهي كلمة تعني في لهجتنا التونسية العزيزة علينا الإنسان اللي يهاجر بدون رجعة و بطريقة غير شرعية للخارج، وعادة ما تتم العملية هاذي في قوارب أو فلايك صغيرة عبر البحر الأبيض المتوسط وتكون الوجهة هي السواحل الأوروبية. ولكن علاش كلمة يحرق بالذات؟ اليوم إكتشفت أن أصل الكلمة هاذي أقدم ملّي نتصورو، حيث ترجع الحكاية إلى القرن الأول للهجرة-حوالي العام 700 ميلادي- وبالتحديد إلى فتح الأندلس من طرف طارق ابن زياد، وقتلّي أمر قائد الجيش الإسلامي بحرق السفن اللّي جاء فيها للسواحل الأوروبية وقال مقولتو الشهيرة "البحر من وراءكم والعدوّ أمامكم، وليس لكم والله غير الصدق والصبر". حسب الراجل الكبير اللّي يعرف كلّ شيء، حرقان السفن متاع طارق ابن زياد كان إشارة الإنطلاق الأولى للشيء اللّي ولاّ اليوم عمل شبه يومي للشباب في الضفة الفقيرة للمتوسط، بما أن الحرقان منذ المرة الأولى كان المعنى منّو هو الذهاب بلا رجوع وما يبقى للحارق كان خيار واحد وهو إكمال الرحلة للآخر وبلوغ الهدف أو الموت اللي لا مفرّ منه، يعني كيما يقولو أولاد الحومة: يا نعيشو عيشة فلّ، يا نموتو الناس الكلّ، وهو بشكل أو بآخر نفس المنطق اللّي كان يتّبع فيه البطل التاريخي طارق ابن زياد، ونذكّركم هنا أنّو طارق ابن زياد كان قد تمّ عزله من المهام متاع قيادة الجيش من طرف موسى ابن نصير اللّي كان عرفو يعني الشاف أو المدير متاعو، واللي كان زادة السبب في دخولو لللإسلام. عزلو يعني طيّرو من قيادة الجيش وألحقه بالفريقو، لأنّو كان يعتبرو متهوّر ويخاطر ياسر بحياتو وحياة الجنود اللّي كانو معاه، يعني إنسان مقربع شويّة ويتخمّر مع الفتوحات كيما فيراج المكشخة، يولّي كاميكاز ما علبالوش. أهوكا يحرز في الآخر تدخّل الخليفة الوليد ابن عبد الملك باش صالح ما بين سي طارق وسي موسى وباش رجّع سي طارق إلى سابق نشاطو ورجع ينحّي في جدّ والدين الكفّار

مفيد الهدرة: طارق كان هو أول حارق، والتاريخ يتذكر المقربعين، ولهذا ما تستغربوش كان الحرّاقة متاع اليوم يولّيو أبطال وطنيين عام 3170 وتلقاو كتب تحكي على سيرتهم الذاتية بالواحد بالواحد، وما تحقروش الرجال راهو الحقار يموت ذليل